ტექნიკური განმარტებით ელექტრონული სერვისი არის მომსახურება, როდესაც ინფორმაცია და საკომუნიკაციო ტექნოლოგიები გამოიყენება მომსახურებისა და ინფორმაციის მიწოდების ხარისხის გაუმჯობესებისათვის. ელექტრონული სერვისების საფუძველია მაღალი ხარისხის და ინტერნეტით ხელმისაწვდომი ჰარმონიზებული მონაცემები და წარმოადგენს ყველაზე უფრო იაფ, მოსახერხებელ და სწრაფი ტიპის მომსახურებას.
ელექტრონული სერვისების მიზანია, სახელმწიფო ინსტიტუტებს, ბიზნეს სექტორსა და ნებისმიერ დაინტერესებულ მომხმარებელს შორის გაზარდოს ინფორმაციის გაცვლის ეფექტურობა, მართვის თანამედროვე მეთოდების დანერგვის გზით. მომხმარებელი დისტანციურად, ონლაინ რეჟიმში, რამდენიმე მარტივი მანიპულაცის განხორციელებით იღებს მისთვის საჭირო ინფორმაციას, რაც საშუალებას იძლევა მნიშვნელოვნად დაიზოგოს დრო და ფინანსური რესურსი.
ელექტრონული სერვისების საშუალებით ხელმისაწვდომ ფორმატში ინფორმაციის მიწოდება, სხვადასხვა სერვისების კომბინირება აადვილებს და უფრო ეფექტურს ხდის მონაცემებზე წვდომას, უზრუნველყოფს დანახარჯების შემცირებას, ხელს უწყობს მონაცემების ოფიციალურ გამოთხოვნათა რაოდენობის მნიშვნელოვნად შემცირებას და იძლევა მონაცემთა შენახვის დუბლირების თავიდან აცილების შესაძლებლობას.
-
დათვალიერების სერვისი - View service
Web Map Service (WMS) არის დინამიური სივრცითი მონაცემების ინტერნეტით გაზიარების საერთაშორისო სტანდარტი. მონაცემები განთავსებულია გამოსახულების ციფრული ფაილების ფორმატით. ელექტრონული სერვისი, როგორც მინიმუმ შესაძლებელს ხდის სივრცითი მონაცემების ნაკრებების დათვალიერებას, ნავიგაციას, მასშტაბირებას, გადაადგილებას ან დათვალიერებადი სივრცითი მონაცემების ატრიბუტული ინფორმაციის ჩვენებას, ასევე, შესაბამისი შინაარსის მქონე ნებისმიერი მოტამონაცემების დათვალიერებას.
სტანდარტების ნუსხა განთავსებულია Open Geospatial Consortium (OGC)-ს ვებ-გვერდზე.
-
ჩამოტვირთვის სერვისი - Download service
Web Feature Service (WFS) იძლევა სივრცითი მონაცემების კოპირების ან ჩამოტვირთვის საშუალებას მონიშვნის კრიტერიუმების გათვალისწინებით და სადაც შესაძლებელია, უზრუნველყოფს მონაცემებზე პირდაპირი წვდომის განხორციელებას არსებული ტენიკური პარამეტრების გათვალისწინებით. მომხმარებელს სერვისებით სარგებლობისათვის აღარ სჭირდება სხვა დამატებითი ტექნოლოგიური და პროგრამული მოთხოვნების შესრულება.
-
აღმოჩენის სერვისი - Discovery service
Catalogue Service for Web (CSW) სივრცითი მონაცემების კომპლექსური ძიების საშუალება - სერვისი შესაძლებელს ხდის შესაბამისი მეტამონაცემების შინაარსის საფუძველზე სივრცითი მონაცემების ნაკრებების და ელექტრონული სერვისების ძიებას და უზრუნველყოფს მეტამონაცემების ვიზუალიზაციას.
-
ფრაგმენტული რუკების სერვისი - Map Tile Service
Web Map Tile Service (WMTS) არის სივრცითი მონაცემების, რასტრული რუკების ფრაგმენტების სახით, ინტერნეტის საშუალებით გაზიარების საერთაშორისო სტანდარტი. სერვერებზე განთავსებული სივრცითი მონაცემების განახლების შემთხვევაში ავტომატურად ხდება რასტრული ფრაგმენტები
