სივრცითი მონაცემების ერთიანი ინფრასტრუქტურა ევროკაშირის ქვეყნებისათვის.
INSPIRE - INfrastructure for SPatial InfoRmation in the European Community
ევროკომისიის ინიციატივით, ევროპარლამენტმა და ევროსაბჭომ 2007 წლის 14 მარტს მიიღეს 2007/2/EC დირექტივა INSPIRE, რომელიც ამოქმედდა 2007 წლის 15 მაისიდან. INSPIRE დირექტივა არეგულირებს ევროპულ თანამეგობრობაში სივრცითი ინფორმაციის ინფრასტრუქტურის ჩამოყალიბებას, და გარემოს დაცვის პოლიტიკის განსაზღვრას.
INSPIRE დირექტივის მიზანია ევროკავშირის სივრცითი მონაცემების ინფრასტრუქტურის შექმნა, რომელიც უზრუნველყოფს მონაცემების გაზიარებას და საჯარო ხელმისაწვდომობას ევროპის მასშტაბით.
პირველი ნაბიჯები INSPIRE-ს განვითარების მიმართულებით გადაიდგა 2002 წელს, როდესაც ევროკომისრები ვალსტრომი, სოლბსი და ბასქუინი შეთანხმდნენ, რომ ევროპის გარემოს დაცვის სააგენტოს, ევროსტატსა და გაერთიანებულ კვლევით ცენტრს შორის გაფორმებულიყო ურთიერთგაგების მომერანდუმი, რომლის მიხედვითაც თანამშრომლობა გაგრძელდა 2004 წლამდე.
2004 წლის ივლისში ევროკომისიის წინადადებით, მემორანდუმი გადაიხედა და განახლდა. 2006 წელს კი ხელი მოეწერა განახლებულ მემორანდუმს, რის საფუძველზეც გაგრძელდა თანამშრომლობა INSPIRE-ს მიმართულებით. მემორანდუმით განისაზღვრა თითოეული სუბიექტის ფუნქციები, პასუხისმგებლობა, სამუშაო ღონისძიებებისა და თანამშრომლობის მექანიზმები. მხარები შეთანხმდნენ, რომ INSPIRE-ს დირექტივის წარმატებით განხორციელებისათვის მთავარი ფაქტორია ზუსტი ფუნქციების, პასუხისმგებლობების, წამყვანი მომსახურებების ქმედითი და ეფექტური კოორდინაცია, საჯაროობა და გამჭირვალობა.
INSPIRE-ის განხორციელებას ორგანიზებასა და ხელმძღვანელობას უწევს ე.წ. ოთხთა ჯგუფი, რომელშიც შედის ევროკომისიის გარემოს დაცვის გენერალური დირექტორატი, გაერთიანებული კვლევითი ცენტრი, ევროპის გარემოს დაცვის სააგენტო და ევროსტატი.
