სიახლეები 11.12.2014
ეროვნული სივრცითი მონაცემების ინფრასტრუქტურის პირველი კონფერენცია-სემინარი
2014 წლის 11-12 დეკემბერი, ვერე პალასი, თბილისი
გაიმართა ეროვნული სივრცითი მონაცემების ინფრასტრუქტურის (NSDI) პირველი კონფერენცია-სემინარი. ღონისძიებას იმ სახელმწიფო უწყებების წარმომადგენლები დაესწრნენ, რომლებიც NSDI-ს პროექტში არიან ჩართულები.
ღონისძიების ფარგლებში, მონაწილეებმა ისაუბრეს სამინისტროების გარემოში არსებულ, დარგობრივ გეოგრაფიულ მონაცემებთან დაკავშირებულ პროექტებსა და საქმიანობებზე, ასევე, გეოგრაფიული მონაცემების მოძიებასთან, გაცვლასა და გაზიარებასთან დაკავშირებულ სირთულეებზე და წარმოადგინეს საკუთარი კონცეპტუალური ხედვა და მოლოდინები NSDI-ს განვითარებასთან დაკავშირებით.
